بعد تصريحات ميدو عن السحر.. الأهلاوية يدشنون هاشتاج “ولاد عبده الدجال”

دشن مشجعو النادى الأهلى على موقع التواصل الاجتماعى “تويتر”، صباح اليوم السبت، هاشتاج بعنوان “ولاد عبده الدجال”، بعد تصريحات أحمد حسام ميدو، المدير الفنى السابق لنادى الزمالك، عن استخدام السحر والشعوذة داخل النادى من أجل الفوز، ورداً على تدشين جمهور الزمالك لهاشتاج “ولاد عبده البقال” الذى سخروا فيه من تصريحات حارس الاهلى السابق عادل هيكل عن تقديم “البقال” لرشوة من أجل الفوز.

وجاءت أبرز التغريدات على هاشتاج “ولاد عبده الدجال” كالأتى “شكرآ ليكم والله بجد، انتوا النهارده كنتوا أحسن من مسرح مصر والله”، “الدور الدور الدور موعود يللى عليك الدور”، “انا مش فاهمة الزملكاوية زعلانين مننا احنا ليه هو احنا اللى قلنا كدة احنا قاعدين ف بيوتنا اهو وابن النادى هو اللى قال”.

وتابعت التغريدات “الدورى ليس للمعاقين حتى لو استخدمتم مصباح علاء الدين،، فالجن أهلاوى”، “نادى الزمالك للسحر والشعوذة”، “يريت الزملكاويه يفهمو ان ميدو مش وحش ده بيكشف اللى بيحصل من وراهم وبيفضح مرتضى اللى خلى الزمالك نادى بلطجى مش نادى بطولات”، “اشمعنا 7 آلاف جنيه فى المباراه، بيجيب بيهم بخور ؟”.

وأكملت “الوحيد اللى انا زعلان عليه فى الليله دى كلها المحترم حازم امام”، “الحمد لله على نعمة الاهلى”، “والله كلام ميدو ملوش علاقه بفوزنا او خسارتنا بدورى او كاس كلام ميدو عشان يعرف الناس ان مرتضى بيأمن بحاجات غريبة”، “نادى الزمالك.. نادى السحر والدجل والشعوذه نادى لتسلية نادى وجماهير الأهلى حضرو الفشار الحفله مستمرة”، “مدرسة السحر والشعوذة”، “بطولاتنا مش حلال .. دى من عند الدجال شكرا مزرباخ دمتم اضحوكة القرن!”، “محتاجين فشار كتير الفترة الجاية”.

وتوالت التغريدات “زمالك يا مدرسه…جن ودجل وشعوذة “، “نادى مسلى”، “اضحوكة القرن يانهار فضايح خلينا نضحك ونتبست يزمالك مش عارف من غير كنا هنضحك ازاى اللهم لا شماته”، “التحفيل على الزمالك تاريخى الأسبوع ده يا فندم…ايفونا.. و2 صفر و7000 جنيه”، “طبعا جمهور الصفوه مجتمع دلوقتى وهايعلن أن ميدو مش عالمى ولا حاجه وبكرش وفاشل ومحمد صلاح أحسن محترف مصرى”، “ولاد عبده الدجال فرشوا لبعض الملايات”، “يعنى مش كفايه ايفونا والضحك إلى لسه مخلصش يطلع الحوار ده كمان ولاد عبده الدجال”، “ولاد عبدو الدجالين فى أى حتة مفضوحين”، “بطولاتنا مش حلال .. دى من عند الدجال، أشتاتاً اشتوت .. حـــــى”.