كتبت هوايدا الشريف:
الى كل مصرى وطنى شــريف سواء مســــتورد او مســـتهلك أو مســافر للخارج لأى سبب غير قهرى….
الجنيه المصرى فى حرب شــرسة تجاه الدولار ، أو بمعنى أدق نحن فى آخـر مرحلة للحرب الشرســة علينـا وعلى اقتصادنا وعلى حياتنــا .
الموضوع باختصار ، أن نتنازل كام شــهر عن اســتيراد واســتهلاك كل ماهو غير ضرورى سواء من مأكل أو ملبس أو كماليات ونترك الدولار للضروريات القصوى كى تســتطيع الدولة توفير العملة للســلع الضرورية فقط ، وبلاش ياهانم منك لها ســـفر لبنـان لعمليات التجميل وأخذ دولارات من البلد .
وبلاش ياحاج منك له العمرة الشهرية اصل الموضوع ده اصبح أمر مســتفز !!
علشان خاطر مصر ولصالح أولادنـا وأجيالنـا القادمة أن نتنازل شـــــوية ، فاكرين زمان كانت عيشــتنا ازاى ؟! يبقى مفيش داعى للفشــخرة الكدابة علشان ممكن كلنــا نضيع لا قدر الله .
مايفعله الرئيس تجاه شـــعبه ، للأســـف لايقابله أى تضحية من الشـــعب !!
اصل عيشـــتكم ارتاحت يامصريين ونســيتواا ايام الســتينات والســبعنيات وعرفتوا الماركات واكل التفاح ! الله يرحم ايام لبنان وتفاح لبنان أصله كان بيجى بميعاد حسب رحلة المركب .
باختصار ….. نتنازل بمزاجنـا بدلا من انهيــار اقتصادنـا اللى هو اصلا منهار علشـان احنا شـــعب بيســتورد ولا ينتجش ! الأمر صعب جدااااااااااااااا على أى متخذ قرار مهما كان من هو !
صدقونى ………. الأمر بإيدنـا نحن وليس بيد الحكومــة بمفردهــا ، فاكرين ايام الحروب عملنـا ايه ، نحن الآن نحتـاج الى تضافر جهودنـا جميعا للحد من الســـفه الذى نعيش فيه جميعـا لأننـا فى حرب شــرســـة
كلى ثقــة فى اســتجابة الشــعب المصرى الوطنى لهذه المرحلة الصعبة التى نعيشـــها بتضافر جهود الجميع ونشـــر تلك الثقافة على الجميــع والكل يبتدى بنفســـه أولا ويمتنـع عن كل ماهو مســتورد .
اللهم بلغت …. اللهم فاشـــهد لأن الوضع صعب جدااااا وسئ جدااااااااااا ….
