#الخلاصه_للعرايشيه
احنا في حرب والحرب النفسيه والاعلاميه في الوقت ده اقذر من القتل
1:- التكفيرين ماشيين بخطه للضغط علينا اللي هيا هعمل رعب للمدنيين بحيث اني اطلب منهم حاجات وينفذوها واحرجك انت ياشرطه او ياجيش وتضطر تعمل اخلاء للمدينه وده مستبعد نهائي بسبب ان الدوله مش هتقدر تسكن 200 الف نسمه ولا هتقدر توفر لهم حتي 1000 شقه اذا كان ازمه الاقباط الي الان اللي عددهم 40 اسره مش قادرين عليها والحاجه التانيه ان الدوله بتعتبر سيناء واهلها خط دفاع اول واي لعب فيه يعد انتهاك وجريمه للامن القومي المصري ولو الدوله عايزه تهجر اهل سيناء كان الكلام ده حصل من سنتين ثلاثه وما خسرناش ارواح ظباط وعساكر ومعدات ومدنيين بس الموضوع ده خط احمر والكلام فيه قصير وممنوع
2: ان التكفيريين بيضغطو علي المدنيين ويحطوهم بين المطرقه والسندان ياتسمع كلامنا وتتعاقب من الجيش والشرطه يامتسمعش كلامنا ونعاقبك احنا ياتمشي من العريش وهو ده اللي هما عايزينه عشان يحققو هدفهم السياسي اللي كل العمليات الارهابيه قائمه عليه اللي هو احراج الدوله المصريه واثبات للعالم ان مصر ينشط بها تنظيم داعش وله سيطره لدرجه انه ارغم الدوله والمدنيين علي اخلاء محافظه كامله .
3:- بالنسبه لكمين ميدان الفالح او غيره من الصور والتقارير اللي عملها التكفيريين هي بكل بساطه اني انا ياتكفيري وصلتني تعليمات اني اطلع اعمل كمين في مكان خالي من الاكمنه والارتكازات او بعيد عنها واقف في الشارع اتصور 5 صور عشان انشرها واقول انا اهو انا عايش ياحبايبي ويا اتباعي انا معاكم وعايش لسه بتنفس ، ناضورجيه علي كل شارع وهما واقفين بيتصورو وخطتهم للتجمع كالاتي بيتفقو علي معاد او ساعه صفر يتقابلو في مكان الجريمه وبيتجمعو ويتحركوا فرادي مش في جماعات ويهربو برضو فرادي وبيدخلو بيوت ناس متسترين عليهم واخفاء معالمهم ساهله وبسيطه يبقي الموضوع كله فشخره وشو اعلامي لا اكتر ولا اقل ولو مش كده قولي حضرتك هما سيطرو علي اي بعد الضجه دي كلها خدو كام شارع ! قتلو كام واحد ! استمرو في مكانهم كام ساعه ! هتلاقي الحصيله صفر % ماعدا الحرب النفسيه
4:- ياسيدي الفاضل الدوله لو عايزه تهجر اهل سيناء ماصبرتش لحد دلوقت انت بتتكلم في 4 سنين حرب كامله وحتي اللي نزحو من الشريط الحدودي وكان السبب الوحيد اكتشاف وتدمير الانفاق رجعو تاني والنهارده في ناس عايشه في البراهمه وياميت والمناطق الحدوديه في رفح
5:- احنا معترفين ان في تقصير امني وخلل فعلا وبيتصلح ومافيش حد هيسيب بيته غصب عنه والعريش هترجع زي الاول واحسن الف مره بس ياريت نفكر بالعقل وبلاش نمشي ورا الاشاعات وشويه الخرفان المندسين .
6:- التكفيريين نجحو في حاجه واحده فقط من بدايه الحرب انهم يبثو الرعب في قلوب العرايشيه عشان يبطلو يبلغو عن المجرميين والارهابيين غير كده كله بطيخ.
الجيش.
