1-مفيش درجه علميه اسمها Mini MBA واي حد أخدها او هياخدها لازم يكون فاهم انها كورس مش اكتر.
٢- مفيش ماجستير او دكتوراه او حتي بكالوريوس او ليسانس في التنميه البشريه او البرمجة اللغوية او الطاقه او التنويم او … ارحمونا
٣- مفيش مراكز او أكاديميات تدريب او نقابات او جمعيات ليها حق ان تعطي درجه علميه (ماجستير – دكتوراه ) لكن الي بيعطيها الجامعات فقط والأكاديميات والمعاهد المعتمده من المجلس الاعلي للجامعات
٤- مفيش حاجه اسمها تدريب معتمد من جامعه عين شمس والقاهرة وحلوان …. الجامعه بتعطي درجات علميه (بكالوريوس – ليسانس – دبلوم دراسات عليا- ماجستير – دكتوراه ) وخلي بالك ان أختام الجامعات بيتعمل في العتبه .. او يمكن تداوله عن طريق بعض المرتزقة ضعاف النفوس ، فبلاش تصدق موضوع الاعتمادات ده.
٥- مفيش حاجه اسمها ختم الخارجيه يضمن ان الشهاده صحيحه – الخارجيه نفسها بتكتب عباره شهيره (دون اي مسئوليه عن المحتوي) هاااا واضح ولا نقول كمان :).
٦- مفيش حاجه تساعدك في التعيين في وظيفه جيده غير حاجات أساسيه زي المؤهل – المهاره – المعرفه – الخبره – الجديه – الإلتزام … الخ وخلي بالك ان اي اعتماد في الدنيا من غير الحاجات ديه .. مش هيفيدكً.
٧- مفيش مانع انك تسأل وتستشير اذا شاكك في برنامج تدريبي او شهاده او درجه علميه قبل ما تورط نفسك .
لو انت كمان زهقت زينا من فساد التدريب ، اعمل شير للبوست علشان نلحق الناس المخدوعة والدال علي الخير كفاعله
