كتبت الاعلامية عبير محمود كبير مذيعات بالتليفزيون
الناس كلها بتتكلم عن أن الأسعار في مصر بتغلي بشكل يومي من أول علبه الدواء لحد الفيلا الفخمه اللي في الشيخ زايد أرتفاع الدولار و أن المرتبات مش بتزيد تقريبا عشان تواكب الغلو ده
و في نفس الوقت
💥لو رحت توكيل مرسيدس تجيب العربيه السي هقولك انا أسف يا فندم بس حضرتك هتستلم كمان سنه عشان الحجوزات عاليه،
💥 شركات زي سوديك أو إعمار لما بتنزل كمباوند جديد من أبو 5 و 6 مليون جنيه بيتباع كله قبل ما حتي يدقه فيه مسمار،
💥 أو عايز تحجز لفرح في فندق 5 نجوم من اللي بيتكلف علي الأقل 200 الف جنيه لازم تحجز قبلها ب 6 شهور عشان تلحق يوم كويس،
💥 لو عايز تدخل عيالك البيسك ولا الألسن اللي مصاريفهم من 70 ل 150 الف جنيه محتاج واسطه عشان في 2000 أسره غيرك مقدمه و هما هياخدوا 50 بس،
💥مفيش شعب في الدنيا بيسكن في شقه 200 متر عامل نصهم صالون و سفره عشان لما شويه العواجيز اللي بيزروه بعد الفرح ييجوا يتبصتوا بطقم الجيلي
💥مفيش شعب بيعزم في فرحه 300 بني آدم و يدفع فيه مرتب سنتين عشان يتقال عليه قد المقام
💥مفيش شعب في العالم الطبقه العامله فيها عندها مصيف علي البحر ثمنه مليون جنيه جايبه بالقسط عشان يروحه أسبوعين في السنه،
💥احنا كلنا عايشين غلط بأختلاف طبقاتنا و امكانياتنا الماديه من أول العامل اللي ماسك موبايل أي فون وهو مرتبه 1000 جنيه،
💥 لست البيت اللي بتشتكي من غلو الخضار وهي بترمي نصه آخر كل يوم،
💥للناس اللي مش عارفه تجوز عيالها و تجهز بناتها مع أن بثمن طقم الصيني ممكن تدفع ايجار شقه أو بثمن الفرح تعلم عيالها 10 سنين……
💥كان عندنا شغاله اخوها الصغير حرفيا عنده انميا من كثر ما هما فقره و كانت جيالنا بالهدوم اللي عليها، أول مرتب اخدته راحت عملت حواجبها و جابت طرح جديده
👈👈احنا مش فقراء احنا مش عارفين نعيش ازاي
