“هلبس إيه الأسبوع دا ؟” ذلك السؤال الذى تقضى العديد من الفتيات الليل للتفكير فى إجابته، ومع انخفاض درجات الحرارة تصبح الخيارات أكثر صعوبة، لذا يقدم “اليوم السابع” نشرة يشرح فيها الملابس المناسبة للارتداء وفقاً لدرجات الحرارة والكريمات التى يحتاجها جسمك.
درجات الحرارة الأسبوع دا هتسجل انخفاضا ملحوظا، يعنى البرد مبيهزرش
وعشان كدا هنقولك المفروض تلبسى وتستخدمى كريمات إيه خلال الأسبوع
خلى فى دولابك:
–البلطو علشان تلبسيه فوق أى طقم أو لبس انتى عايزاه
– كمان البلوفرات الواسعة أو ” الأوفر سايز” من أكتر الحاجات المناسبة فى الجو ده
– لو بتحبى الفساتين يبقى لازم تلبسى شراب تقيل تحتها مع بوت
خلى فى شنطتك: كريمات معطرة علشان تستخدميها بعد الأكل لأن غسل الإدين باستمرار هيتسبب فى جفافها
خلى فى حمامك: غسول علشان بشرتك وتونيك علشان يقفل المسام واستخدمى بعده مرطب وكررى الخطوات دى مرة الصبح ومرة بالليل.
