من ابطال قوات الصاعقة و المجموعة 39 قتال
بحرب 1967 وحرب الاستنزاف و نصر أكتوبر العظيم هتعرفوه منين أذا كانت الصحف والفضائيات ما تعرفوش وبالتالي ما تقدموش ايه رأيكم أن كلنا مدينين للبطل الاسطوري خليل جمعه ,عارفين ليه ,علشان وهو لسه ملازم صغير في عز نكسة 67 كان بيقود فصيلة صاعقة من 22 عسكري في منطقة “راس العش “جنوب مدينة “بورفؤاد “والفصيله مسلحة بأسلحة الية و6 قاذف “ار بي جي ” وشاف لواء مدرع من جيش العدو الصهيوني متقدم لأحتلال بورفؤاد علشان يكمل احتلال سيناء بالكامل ,قام مبلغ قيادة قطاع بورسعيد بالهجوم وطلب دعمه باطلاق مدفعية علي اللواء المدرع
قامت قيادة القطاع اعطتة أمر انه ينسحب فوراً من مكانه لكن الظابط الصغير رفض تنفيذ الامر وشتم اللي بيبلغه بالانسحاب وقفل جهاز اللاسلكي وقام ووزع قواته علي جانبي الطريق اللي هيمر فيه دبابات العدو وامرهم بالصمت التام لغاية ما المدرعات تبقي بين كمائن العساكر ,وبعد فتره أمر بضرب اول دبابه واخر دبابه في طابور العدو بالار بي جي ,واحدث ارتباك في صفوف العدو واسقط منه قتلي كتير وخسائر كبيره واضطر العدو يستغيث وينسحب ومنع البطل خليل جمعه احتلال بورفؤاد في معركة رأس العش المجيده والمنسيه طبعاً ,بعدها حصل خليل جمعه علي ترقيه أستثنائية و حصل علي نوط الواجب العسكري وانتقل للمخابرات الحربية و منها للمجموعة 39 قتال ليقود امجد عمليات خلف خطوط العدو ,كان بيجلس ايام وساعات طويلة في الشمس والصحراء علشان يكتسب ملامح البدو ويعدي القنال وينفذ عمليات وينقل اوضاع العدو .حكايات وبطولات لبطل اسطوري
و الصورة دى لسيادتة مع الرئيس انور السادات
و بجوارة الشهيد العميد إبراهيم الرفاعي .
