الشاعر أحمد أبوسمره
دردار ودار
راكبين حمار
عاملين حوار
مفيهوش فايده
والحلو جار
قام يستجار
برطع وطار
خش مزايده
صحنين دقيق
وسبت رقيق
وغيار برئ
كان ف معايده
وجاي جريح
ع الشوك طريح
ووقيد سطيح
علي نار قـايده
الجمر….. نار
جـُمار ….سمار
شديت نهــار
ضحكته زايده
ف الليل فانوس
تضوي النفوس
يمشي الكابوس
ترجع عايده
العود سروح
وعيون تبوح
والشعر دوح
قمرا شاهده
وشهود كتير
فوق الحصير
بقلوب تغيـــــر
تقطف ملاس
فج الإحساس
وعيال دراويش
م العشاق جيش
هيمان ياشهيد
ماهي هي الزاد
والدار عــــُواد
مش أي بلاد
علشانها تموت
دي بلاد ملكوت
من عند الطين
ومعادن كاس
شوفت التحنيط
سر الأسرار
دي عيال شطار
غازلين مشاعرهم بترابها
الأمن يدخل مايسيبها
والشر بتكره اشرار
مش عارف اصلك اسرار
فوق الجدران
الحلوه ف اللون تتصور
وبتعزف فساتين تتقور
علي غصن البان
مش عارف أنها سكناني
وبتملك عمري وكياني
الأه لوطلعت تدبحني
وعنيها تبسم أه ياني
دي بهيه والكل عارفها
الرب تجلا وصار سيفها
دي بلاد ملكوت
وعشانها نموت
ولايطرف عينها ف يوم غبار
