•بصيت لبلدي و قلت معقول هما دول أهلي….أكيد دول الزمالك….لإن معظمهم ماشي في طريق المهالك
..فين أيام الإتحاد أيام ما كان فيه بجد ولاد…لما كنت بتكلم واحده بنت و بنقولها إسماعيلي فتسمعك و في العزومات كنت يا صديقي مش مفجوع لكن ممكن تبقي موجوع بعد المحله ما نزلت و بقت الدنيا وحله و ياريت الدنيا تحلي و ترجع الترسانه و تصعد للدوري فرقه النجمه و ما يبقاش في مهانه ناحيه المصري الأصيل إبن وادي النيل و ترجع السويس من تاني علشان نسمع الاغاني أغاني السمسميه و آه و ألف آه علي المصراويه و الاسيوطيه و الأسوانيه لما كانوا في الدوري ..لكن هل هما فعلا علينا هانوا …يا إبن مطروح يا اللي طول عمرك زينا مجروح بكره بإذن ربك حترجعلك إنت و السيناوي الروح بس خليك علي الخير ناوي و إنت يا شرقاوي شد حيلك شويه و حاول ترجع بسرعه و يا جماعه شجعوا المقاصه اللي تاه و خسر كتير في منظومه فاسده و يا مقاولين إستحضروا روح المعلم عثمان أحمد عثمان اللي هان عليكم تحطوا إسمه علي ستاد النادي و إنت يا إبن بلادي شجع إنبي و بتروجيت و ياربت نخلي المدرب مصري منتخب و أنديه و نسيب المواهب تطلع تحترف و يبقي عندنا ألف صلاح و أكيد ساعتها حنشوف النجاح و نعيش بجد الأفراح و بلاش نتقرف من إدارات كل يوم عامله مشاكل إحنا عايزين جيل جديد تكون صحته و إرادته من حديد و يكون فكره جديد و عزمه شديد زي حسام حسن و البدري عازين نشوف الإنتاج المحلي بيضوي في كل مكان من المعموره و يبقي كلنا قاعدين في المقصوره بنتفرج علي فرقه المنصوره و ياريت بلاش فرق في الدوري من الجيش و الشرطه و نوفر فلوسهم في حاجات مفيده و دي وجهه نظر بالتأكيد سليمه و نفسنا نشوف فرقنا الشعبيه بتلعب في الدوري علشان يبقي في تشجيع بدل كل جهودنا ما تضيع و لو محلصشي ده يبقي سلملي مستقبل الكوره و كمان علي الأخ وديع و قوله بالفم المليان للمنظومه الفاسده بيع.
*بقلم :شعبان قنديل الفضالي
