للإعلامي / عادل رستم
احنا بقينا جد قوي
ليه بقت التكشيرة عنوانا .. وحياتنا خلت من لحظات نعيش فيها برومانسيه ونقعد مع اصحابنا ويعلى صوت الضحكة .. ليه غاب السؤال المعتاد سمعت اخر نكته .. وفين قعدتنا الحلوة وسهراتنا ومعانا التسالي قدام فيلم عربي .. حتى اغانينا بقت دراما ..
مشاكلنا هي السبب
طول عمرنا في مشاكل وازامات ..
بقينا زي الساقيه بنجري ورا رزقنا
برضه مش جديد
انا بيتهيألي احنا السبب
احنا اللي بقينا جد قوي
واختفت من جوانا .. احلى حاجه فينا .. روحنا الطيبه .. بساطتنا .. لمساتنا الانسانية
علشان نتغير ونرجع زي الاولى.. لازم نعرف ان الحل هيبدا مننا احنا .. ايوه .. مننا احنا .. لازم نعمل بريك ونوقف مارثون الجري شويه .. ناخد نفس عميق ونمدد في البراح ونبص على نجوم السما ونسمع اغنية من بتوع زمان ..
عزبزي القارىء .. سمعت اخر نكته
كان فيه واحد اتنين تلاته
اضحك خليها تطلع من قلبك
مع تحياتي
عادل رستم
