قال منفذ الأكشن أحمد عبداللاه، إنه انتهى منذ شهر مارس المقبل من فيلم «كازابلانكا» بطولة أمير كرارة، مشيرًا إلى أن أخذ شيكات أجره في العمل ولكنه حصل على رفض من البنك.
وأضاف «عبداللاه»، عبر صفحته الشخصية على «فيس بوك»: «كنت كتبت بوست كده من حوالي شهر ومسحته ان فيه منتج ومنتج فني مش هشتغل معاهم تاني».
وتابع: «انا كان ليا فلوس من شهر ٣ وعشان أنا محترم ومبحبش اعمل مشاكل وكنت بصبر، بس لما أكلم المنتج وميردش وابعتله رسايل يشوفها وميردش يبقي كده في قلة احترام، حتي المنتجين الفنيين اللي عندوا مش عارفين ياخدوا منه معاد عشان اخد الفلوس لان أيضًا بيديهم مواعيد ومبيلتزمش بيها».
وقال: «احترام البني آدم اهم بكتير من الشغل وأنا الاحترام عندي أهم من أي شغل، فرصة مكانتش سعيدة ومش هتتكرر تاني».
يذكر أن فيلم “كازابلانكا” حقق نجاحا كبيرا في دور العرض حيث وصلت إيراداته حاليًا إلى 57 مليون جنيه احتل بها المركز الأول.
