كتب / عادل رستم
ايوه وبجد محتاجين نبص في مراية علاقاتنا شويه . الحياة واخدنا لحد فين .. كل واحد بقى مشغول بنفسه ، همه نفسه ، الانا بقت عنوان وفيها كتير من التفاصيل .. مابقيناش فاضيين لبعض مش بنسمع بعض ..
امبارح كتبت بوست في الفيس بوك
قلت فيه
..بعض النفوس هشه يجب الترفق بها وعدم الضغط عليها او تحميلها اكثر مما تحتمل حتى لو اعتقدنا انها قوية
فقد يأتي يوما ونجدها حطاما .. وقتها سنندم …
بعد ماكتبته قريته مره واتنين وتلاته
الشاهد فيه غياب للمشاعر
للطبطبه
للكبير اللي بيسمعنا وينصحنا
لقعده فيها كوباية شاي نتكلم من غير مانبص في الساعة او في الموبابل ..
نفضي نفسنا لولادنا
اقلكم . اخر مرة خدت اسرتك ورحت معاهم تقضوا يوم جميل
ولعبت مع ولادك وقلت لزوجتك .. يا … اجمل من في الكون
…
طيب ونسامح اي حد وايه يعني غلط مره الدنيا مش هتقف على غلطه
وهرجع للبوست من تاني
ترفقوا ببعضكم البعض .. اسمعوا لبعض وماتضغطوش على بعض
تراحموا .. يرحمكم الله
عادل رستم
