السيسي عن مخالفات البناء: الدنيا متسابة ومن حق المحافظ وقف التراخيص

كتب- محمد نصار:

قال الرئيس عبدالفتاح السيسي، إنه على مدى سنوات طويلة لم بفكر أي من المحافظين في وقف تراخيص البناء.

وأضاف السيسي، خلال افتتاح مشروع “بشاير الخير 3″، اليوم الخميس: يا ترى المحافظين على مدى العشرين سنة اللي فاتت حد قال هوقف إصدار تراخيص لحد ما نتعامل مع التصور اللي إحنا فيه.

وأكد الرئيس: لابد من تنفيذ القانون، بيقولك العمارة طلعت واتسكنت مش هنعمل حاجة.. من حقك كمحافظ تقول لأ، شوف حجم الكثافة الموجود يسمح بالتنفيذ ولا لأ.. الناس تلتزم واللي عايز يبني أهلا وسهلا، بقول لمحافظ القاهرة والإسكندرية الدنيا متسابة الكلام ده وأنا قائد المنطقة الشمالية في الإسكندرية قولته,

وتابع: أنت لازم تعرف أنت مين، المحافظ رئيس دولة صغيرة، من حقك تقولي لو سمحت مش هطلع تراخيص إلا لما أدرس الموقف عندي، لما نشوف عدد المخالفات الموجودة أمر خطير، عايز أقول حاجة كان مهم جدا بنتكلم على إسكان غير آمن للبسطاء، شوفوا عاملين الحاجة إزاي، الدولة المحترمة تعمل كده لكن أي حاجة تانية عمارة 14 دور ملهاش مرافق وغير مخططة ومش متمحرة، مين يعمل في بلده كده.