متعافٍ من «كورونا» يشكر أطباء «عزل العجمي»: «يا رب بتوع التمريض يتجوزوا والمديرة تمسك بدل المستشفى 3
على طريقته الخاصة التي تحمل قدرًا كبيرًا من الطرافة وسجية الطبيعة، احتفل أحد المسنين يدعى عم سعيد بتعافيه وشفائه من فيروس كورونا المستجد الخميس، وحرص على توجيه رسالة شكر لأطباء وتمريض مستشفى العجمي المركزي المخصص لعزل مصابي فيروس كورونا قبل خروجه من البوابة الرئيسية للمستشفى في غرب الإسكندرية.
وقال عم سعيد: «أنا بشكر جميع العاملين في المستشفى من أطباء وتمريض وعمال وفنيين حتى الحيطان والجدران والسراير وكل حاجة في المستشفى ربنا يبارك فيها».
واستطرد: «ربنا يبارك في مديرة المستشفى والعاملين واحد واحد وربنا يبارك للممرضين وربنا يعليهم كمان وكمان ويعمل اللى فيه الخير ويديهم الصحة ويباركلهم».
وخصص «سعيد» جزءا من رسالته لهيئة التمريض بالمستشفى قائلًا: «الممرضين ربنا يديهم الخير كله ويجوّزهم ويديهم الخير من عند ربنا ويديهم الصحة ويكفيهم شر المرض اللى كنت فيه».
وتابع: «بقالي 36 يوم وأنا قاعد في المستشفى محجوز بعد تأكد إصابتي بفيروس كورونا المستجد.. وأنا واكل وشارب وواخد علاج وإبر ومش مخليين حاجة لى ومدفعتش جنيه واحد.. يبقى المستشفى محترمة».
واختتم رسالته: «ربنا يخلى الدكتورة ميرفت السيد مديرة المستشفى ويعليها كمان وبدل ما هي ماسكة مستشفى واحدة تمسك اثنين و3 مستشفيات، وده من أخلاقها الحلوة، لأنها ولية طيبة ومقدرش أقول غير كده والله يباركلها».
