أشار الرئيس عبدالفتاح السيسي، خلال افتتاح عدد من المشروعات القومية و«الأسمرات 3»، الأحد، إلى خطورة البناء غير المخطط، وقال: «عاوز أقول للناس اللى موجودة واللى بتتفرج علينا، نتيجة البناء غير المخطط، الناس كانت بتبني تحت خطوط الضغط العالي، وده شيء خطر، الـ11 ألف وحدة، عشان ننزل الكابلات، بتكلفنا مليار إلا ربع».
وأوضح السيسي: «لما قلت إن إحنا مش هانسمح مرة تانية بالمخالفة، لأن ثبُت بالتجربة أننا لما نعمل للناس مباني سليمة تكلفتها بالنسبة لنا أقل من إزالة الخطورة من المباني الموجودة، بلاش بناء غير مخطط، الناس اللى عاوزه تاخد شقق هتاخد».
وشدّد على حزم الدولة في التعامل مع ملف البناء غير المخطط «إحنا نسينا الصح نسينا الحياة الطبيعية للبشر».
يفتتح الرئيس عبدالفتاح السيسي، الأحد، عددا من المشروعات القومية من بينها المرحلة الثالثة من سلسلة إسكان الأسمرات وهي «الأسمرات 3» والتي تضم آلاف الوحدات السكنية كاملة الخدمات والمرافق.
بالإضافة إلى افتتاح أكبر مجمع للخدمات يستطيع أن يلبي مطالب نحو 100 ألف نسمة يقطنون مشروع الأسمرات بمراحله الثلاث.
بدأت مراسم الافتتاح بتلاوة آيات من الذكر الحكيم للقارئ الشيخ شريف السيد خليل.
وحضر الافتتاح رئيس الوزراء الدكتور مصطفى مدبولي ورئيس مجلس النواب الدكتور على عبدالعال وعدد من الوزراء والمسؤولين.
