أجمل بلاد الكون بلادي بكل ما فيها
بأهلها ورملها وجبالها وواديها
ببحرها وسحرها وبطهر اراضيها
بكلمة” الله اكبر” تملا اركانها
المولى صانها في حاضرها وماضيها
والماضي هو تاريخ الأرض.. وولادها
ارضك يا سينا تنادي نسمع الندهة
تنده انا بنت مصر.. وام أولادها
أنا أم حاضنة لشهدا صنعوا امجادها
وانا الربابة في موالها وأغانيها
انا سينا مصر اللي ذكرني المولى في كتابة
أنا معبد الطهر اللي” موسى” صلّى في رحابه
أنا مدخل النور اللي” عيسى” مر من بابه
وانا المُصلّى لكل العابدين فيها
انا سينا مصر الحضارة والتاريخ والنصر
واكتوبر اللي حكى عنه الزمان والعصر
أنا تحت رملي غُزاة ما لهم عدد ولا حصر
وف حضني نايم شهيد من كل بيت في مصر
سنة وراها سنة وانا لابسة توب النصر
وحافظة الحكاية.. وطول العمر هاحكيها
مع تحياتي
حسونه فتحي
