ورغم رأى يوسف شاهين المشجع لعمرو سعد بعد فيلم “الآخر”، إلا أن موقف عمرو سعد من الفيلم كان مختلفا، حيث كشف خلال لقائه في برنامج “معكم” للإعلامية منى الشاذلى، كواليس اختياره للدور، وكيف أثر عليه فيما بعد، وقال “الفيلم دخلنى فى حالة إحباط كبيرة جدا، ومع ذلك أنا مدين للدور ده وخالد يوسف كان بيقولى كده، أنا لولا إنى اتعسرت واتبهدلت وتعبت وشقيت بعد الفيلم ده ماكنتش بقيت فنان وأقدر أحس وأعمل الحاجات دى”.
وقال عن سبب اختياره للفيلم: “أنا كنت رايح أكل كشرى عند أبو طارق أصلا، حد قالى أطلع شركة الإنتاج هنا، وساعتها أنا ماشوفتوش يوسف شاهين مخرج كبير برضه مش بيقابل أى حد، خيالى المريض صورلى أنى هقابله بقى، المهم عملت الفيلم، وكان ليا مشاهد كتير واتحذفت وفضل آخر مشهد”.
وأضاف “سعد” ساخرا: “كنت بعمل إيه أنا بقى فى المشهد الأخير ده بوصل إيد البطل والبطلة ببعض، لما مخرج يحط حد يوصل إيد البطل والبطلة يبقى ليه نظرة ودوره مهم ولالأ”.
