بعد منع الموسيقيين لـ شاكوش.. عمر كمال يستعين به فى كل حفلاته بالخارج

يرافق مطرب المهرجانات حسن شاكوش زميله عمر كمال فى أغلب حفلات الخارج رغم قرار وقف الأول عن الغناء من قبل نقابة المهن الموسيقية برئاسة الفنان هانى شاكر، وآخر تلك الحفلات تلك التي يحيها الثنائى فى قطر، اللذان يتواجدان هناك الآن لإحياء عدد من الحفلات الموسيقية.

كان مطرب المهرجانات عمر كمال، قد أدى مناسك العمرة فى الأراضى المقدسة، خلال تواجده بالسعودية لإحياء حفلتين غنائيتين ضمن فعاليات موسم الرياض فى دورته الثانية.

ونشر عمر كمال، صورة له بملابس الإحرام من أمام الكعبة المشرفة، كتب له أحد المتابعين، قائلاً: “طبعاً بتدعي ربنا ينصرك على حسن شاكوش“.

ليرد عليه عمر كمال بفيديو ويدعو لصديقه حسن شاكوش، قائلاً: شاكوش يا حبيبي، ربنا يفكها عليك يا حبيبي يا رب، وترجع تانى يا حبيبى وربنا يديك برزق أخواتك وأمك يا حبيبي اللي بتحبك وتنول دعواتها ويحنن كل القلوب عليك يا حبيبي، وترجع أحسن من الأول، عشان أنت طيب وتستأهل مل خير وفيك شيء لله، وأنا أكتر واحد عارف ده، بدعيلك كتير والله يا حبيبي، ربنا يهديك بنعمته وبستره عليك يا رب، وما يشمتش فيك حد أبدًا ويديم نعمته و ستره عليك و عليا إن شاء الله”.

الجدير بالذكر أن نقيب الموسيقيين هانى شاكر ومجلس النقابة قد أصدر قرار  بوقف حسن شاكوش سحب ترخيصه نهائي، وبرر مطرب المهرجانات الشعبية حسن شاكوش، موقف إساءته للفرق الموسيقية، في بث مباشر عبر حسابه الشخصي بموقع فيس بوك، وقال “انا مقدرش أغلط في الفرق الموسيقية، اسألوا أي فرقة أنى مقدرش أغلط في أي حد من الفرق الموسيقية، أنا طلعت مع كل فرق مصر“.

وأضاف شاكوش “أنا بقول للناس أنا عمري ما أغلط في أي عازف ولا عمري ما أغلط في أي طبال ولا أي بتاع مزيكا، لانهم إخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال“.

وتابع شاكوش: “أنا ورضا وفرقة رضا البحراوي أخوات وحبايب، أنا اشتغلت مع فرقة رضا أكتر من 10 مرات وهما أخواتي واسألوهم، وعمري ما زعلت حد من الفرق الموسيقية، وليهم كل الاحترام والتقدير، أنا بتأسف لكل الفرق الموسيقية والطبالين والعازفين“.

واختتم كلامه تعليقًا على قرار وقفه “نقابة المهن الموسيقية على راسنا من فوق، وأي قرار على راسنا من فوق وانا راضي بيه وكل خيره وفيها تأخيره إن شاء الله“.