أثير مؤخرًا الجدل حول مغني الراب ويجز خاصة بعد طرحه أغنيته الأخيرة “كيفي كده” وهي الأغنية التي انتقد البعض كلماتها، لكنها لاقت رواجا كبيرا، كما أن حفلات ويجز ترفع مؤخرًا لافتة كامل العدد، لذلك قرر ويجز أن يرد علي إقحام اسمه في لقاءات بعض الفنان في البرامج، وكتب علي إنستجرام: “هو الفنانين مينفعش يطلعوا فى البرامج يتكلموا عن نفسهم، لازم اسمى يتحط فى جملة.. ما تبص فى ورقتك “.
ويجز
ويجز
وكان قد رد ويجز بشكل ساخر على هذه الانتقادات بسبب جملة “جاي وفي إيدي الرضعة عشان أغدي النونة” من أغنية “كيفي كدا”، وقال ويجز في story حسابه الشخصي بالـ Instagram: “بشكر الناس اللي شجعتني وعجبتها الأغنية، وحابب اتكلم عن الناس اللي انفعلت عليا بسبب جملة باجي وفي إيدي الرضعة عشان أغدي النونة.. أنا شخص طول عمري صريح مع نفسي، ولما بضايق بعمل تراكات عن الحاجات اللي مضيقاني، وكيفي كدة هي أغنية فريش وبتتكلم عن الجزء المرح في حياتي وشخصيتي”.
ويجز ينفعل علي متابعيه بشكل ساخر
وانفعل ويجز على منتقديه بشكل ساخر قائلا: “أنتم محدش فيكم فكر في النونة دي، ومحدش فيكم فكر يغدي النونة، غير كدة ده بيني وبين النونة محدش يدخل ما بينا، وأنا مش حاسسها حاجة تضايق أي حد، لو أنت مفكرتش فيها، أنا فكرت أغدي النونة”
واضاف ويجز ” سوري يا جماعة معلش انفعلت مش حاسسها حاجة تضايق حد أنا فكرت اغدي النونة المرة الجاية هغدي القطة”
قال الموسيقار حمادة أبو اليزيد وكيل نقابة الموسيقيين خلال صالون قصر السينما، إن مطرب الراب “ويجز” اجتاز اختبار النقابة ونجح وأقر بالالتزام باللوائح والقوانين ومراعاة الكلمة، وكان قد قال الموسيقار حلمى بكر خلال “صالون إشكالية الفن وحرية الإبداع” المقام بقصر السينما، إن هناك أغانى يشعر بالحرج حين يقول كلماتها.
