حلت النجمة دينا الشربينى ضيفة في برنامج “معكم” للإعلامية منى الشاذلى، المذاع على قناة Cbc، الخميس، وتحدثت عن أصعب الفترات التي مرت بها خلال الفترة الأخيرة، خاصة أنها كانت حديث السوشيال ميديا بلقب “فريق العمل” وقالت: “قعدت فترة اسمى على السوشيال (فريق العمل)، واتعلمت من الفترة الأخيرة إن أنا مش لازم أحكم على حاجة من برة وده اللى حصل معايا.. الناس حكمت على حياتى من برة ومحدش يعرف حياتى إزاى”.
وأضاف دينا الشربينى: “أهم حاجة اتعلمتها، إن ربنا شايلى الأحسن، وكل حاجة فى الوقت المناسب” ولفتت إلى أنها لا تمانع من ان ينتقدها أحد لكن فيه ناس مخصصة للانتقاد، بدون أي تأثير سلبى على نفسية الشخص، أنا بحب اللى يتكلم عن شغلى حتى لو كلام مش إيجابى وبتعلم من الناس”. وأضافت ضاحكة: اتعلمت مكونش فريق العمل.
وحول كواليس خلافها مع المخرجة كاملة أبو ذكرى، أوضحت دينا الشربينى: “اللى كان بينى وبين كاملة سوء تفاهم مش خلاف، واتكلمنا فى الجونة والمشكلة خلصت وأنا بحب شغلها جدا وكل النجوم اللى اشتغلوا معاها نوروا”.
