السيسي: لو فضل نمونا السكاني محدش هيقدر يحل المسألة.. ووالله محدش يقدر يعمل أكتر من اللي بنعمله

الخميس 01/ديسمبر/2022 – 11:22 ص

قال الرئيس عبد الفتاح السيسي، إن الدولة المصرية لو استمرت في هذا النمو السكاني لا يستطيع أحد حل المسألة، موضحًا: لو فضل نمونا السكاني محدش هيقدر يحل المسألة، وخلاص ارضوا بقا ومتقولوش، ووالله محدش هيقدر يعمل أكتر من اللي إحنا بنعمله.

النمو السكاني

وأضاف السيسي، خلال افتتاح مدينة المنصورة الجديدة: بقولكم الكلام ده لكل مؤسسات الدولة بما فيها الدينية، هل يرضي ربنا إن اللي إحنا كنا فيه من 100 سنة، نبقى كده وبعد ما الدنيا تقدمت إحنا زي ما إحنا باللي فيه دلوقتي، هل دي أمة شامة في الكلام والسلوك والقيم والقدرة، وده مش إسقاط على فهمنا لدينا. 

وأكد الرئيس السيسي على أن: كل جهد يبذل هو جهد مخلص وأمين ومبدع، بمنتهى القوة اللي ربنا بيعينا بيها بنعمل، ومش أنا، لأ إحنا، قوتنا في فهمنا، وأما بخلي زمايلي بيتكلموا ويشرحوا أمور قد تكون بالنسبة للمواطن العادي مش ده محل اهتمام، عاوز فلوس في جيبي ولاقي حاجاتي في السوق بسعر كويس.

وجدير بالذكر، أن المرحلة الأولى من مدينة المنصورة الجديدة، والتي يفتتحها الرئيس السيسي الآن، تشتمل على ما يلي: جامعة المنصورة الجديدة، إضافة إلى عدد كبير من الخدمات التي تقدمها المدينة، والتي تعتبر واحدة من مدن الجيل الرابع، التي بدأ تنفيذها قبل أقل من 5 سنوات، وفقًا لقرار رئيس الجمهورية رقم 378 لسنة 2017، على مساحة قدرت للمرحلة الأولى منها بـ 2063 فدانا، ووصلت حاليا لنحو 2500 فدان.