السبت 03/ديسمبر/2022 – 08:33 م
قالت الدكتور كوثر محمود، نقيب التمريض، إنه منذ معرفتها بواقعة مستشفى قويسنا، تم التواصل مع وزير الصحة على الفور وأبلغته بالواقعة، للتحرك الفوري للحفاظ على حقوق فريق التمريض الذي تم الاعتداء عليه بشكل غير آدمي.
واقعة الاعتداء على طاقم التمريض في مستشفى قويسنا
وتابعت الدكتور كوثر محمود، خلال تصريحات صحفية مساء اليوم: زيارة وزير الصحة اليوم لمستشفى قويسنا فرقت نفسيا ومعنويا مع التمريض.. ومطالبنا اللى غلط يأخد عقابه، بنقول الجيش الأبيض وملائكة الرحمة، مش جزاءهم يحصل معاهم زي اللى الناس شافوه في الفيديو ويتم ضربهم بالكرباج وصعقهم بالصاعق الكهربائي.
وأضافت: لو مش بني آدم ميتعملش فيه كده، رغم أنهم مقصروش مع الحالة والمريضة، ومع ذلك يتم ضربهن والاعتداء عليهن بشكل غير اَدمي، ميصحش من أي حد الاعتداء على التمريض، والتعدي على موظف أثناء تأدية عمله جريمة، ومن أخطأ يجب أن يحاسب على جريمته، وقمت بزيارة فريق التمريض ورأيت الحالة النفسية السيئة لهن بخلاف الإصابات اللاتي تعرضن لها.
وأردفت: احترم بيان القوات المسلحة، وعارفة أن حق التمريض هيجيله، وأخدت التمريض النهاردة على جنب وقلت لهم قولوا ليا اللى حصل علشان لو لينا حق ناخده فعلا والله العظيم اللى حكوه هو اللي اتنشر على صفحات التواصل الاجتماعي، والبنات في منتهى الأدب والأخلاق وصغيرين ومحترمين، والغريب إنهم قالولي أن الشخص اللى اعتدى عليهم بيعمل تصرفات غريبة في محيط المستشفى، والأمن الخاص كمان اتضرب في الواقعة أثناء دفاعه عن الممرضات.
