الإثنين 05/ديسمبر/2022 – 10:02 ص
أكد الرئيس عبد الفتاح السيسي، أن الدولة المصرية كانت حريصة على عدم انعكاس زيادة أسعار الذرة والقمح على المواطنين.
وأضاف السيسي خلال افتتاح محور التعمير بالاسكندرية: كما زودنا الحد الأدنى للأجور للقطاع الحكومي، قائلًا: إحنا بنحطكم فى الصورة يا مصريين علشان تعرفوا إننا بنحاول نخفف بالإمكانيات الموجودة عندنا، و3 سنين دلوقتي وسنتين كورونا والسنة خلصت خلاص بتاعة الأزمة الروسية وإحنا لازم نكون متأكدين إن ربنا دايمًا معانا.
نحتاج إلى توفير نحو 3 ملايين فرصة عمل
وتابع: نحتاج إلى توفير نحو 3 ملايين فرصة عمل خلال 3 سنوات، مضيفا: نعمل على دعم كافة القطاعات في الدولة، ويقولك انتوا مهتمين بالطرق والكباري، أنت علشان شوفت الطرق والكباري بنفسك، ومشيت عليها، بس قطاع الزراعة أنت ما شوفتوش.
افتتاح محور التعمير بالاسكندرية
وصرح المتحدث الرسمي لرئاسة الجمهورية، بأن محور التعمير الجديد يعتبر إضافة ونقلة نوعية ضخمة من شأنه أن يفتح آفاقا تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوي والطريق الدولى الساحلي ومدينة برج العرب، ويصبح شريانًا تنمويًا حيويًا لربط الإسكندرية بمدينة العلمين الجديدة عبر الطريق الساحلي.
