د.عماد الرطيل
كنت باتفرج على فيلم أم العروسة
هيصه وزحمه ومعمول في شقة
لا نادى ولا دار ده فى وسط الحته
ومصاريف على القد بدون مشقه
والحلو جاتوه وكل معزوم واحده
والساقع شربات منقوع من مده
وملبس وأرواح ليه أحلى نكهه
وإن كانت متيسرة يبقى عالسطح لمه
ومكرفون وكهارب على البلكونه
والشبكه دبلتين ومحبس واسورة
والمهر من ١٠٠الى٢٠٠ فى اغلبه
والكل فرحان بيجامل ويحط النقطه
والنهاردة عندى وبكره عندكم يا أحبه
وغوازى أوزان يميلواويهزوا الشنطه
وفرقه كحيتى بطبله وعود وكمنجه
وزغاريد كتيرة وليها احلى رنه
الدنيا كانت على قدنا بسيطه وحلوة
أدعوا ربنا تعود من تانى ويزيل الغمه
وربنا يفرح الناس كلها ودى اكبر نعمه
مع تحياتي
د.عماد الرطيل
