04:15 م
الأحد 26 فبراير 2023
كتب- إسلام لطفي:
وجه الرئيس عبدالفتاح السيسي، اليوم الأحد، العديد من الرسائل الموجهة للمصريين خلال فاعلية “تفقد اصطفاف المعدات المشاركة في تنفيذ خطة الدولة لتنمية وإعمار سيناء” بمحافظة الإسماعيلية.
وتمثلت الرسائل في:
– الوعي موجود لدى الشعب المصري ولو ماكنش موجود ماكنتش الناس قدرت تستحمل معانا الظروف الصعبة دلوقت.
– في عبء كبير جدا جدا على كل أسرة في التكلفة العالية اللي إحنا بنعيش بيها، ودي ظروف مش إحنا السبب فيها.
– هتفضل العملية عملية محاولة عرقلتكم وعرقلتنا في مصر وهتفضل مستمرة.
– سيناء مساحتها 60 ألف كم وإحنا في مصر تقريبًا عايشين على 60 ألف كيلو برده تقريبا.
– مصر كلها كسكان متجمعين على 60 ألف كم وبنحاول نزودها ونخليها 16%.
– كان حجم التكلفة لإنشاء بنية أساسية في 60 ألف كم في سيناء عالية جدا.
– حتى الآن في حجم من الشائعات والافتراءات غير طبيعي آخرهم لما اتقال إننا بنفكر نبيع قناة السويس وفي عرض مش عارف فين.
– جمعوا كلامي وعملوا منه فيلم وخرجوه على إني قولت الموضوع هيتباع بتريليون دولار.
– تكلفة ما نفذته الدولة من مشروعات في سيناء كان سيتضاعف إذا لم يتم تنفيذه خلال الفترة الماضية.
– حبيت بس أقولكم إن اللي عملتوه كان ممكن مايتعملش ونأجله.
– صدقوني إذا كنا تكلفنا في سيناء 40 و50 مليار دولار، صدقوني دلوقتي كنا هنتكلفه بضعف وضعفين.
– اللي فات كوم واللي جاي كوم تاني.. اوعوا تفتكروا هنقول متشكرين بالكلام بعد التضحية في سيناء.
– هنقول متشكرين بالاهتمام والعمل، واللي هيقوم بالكلام ده أهالي سيناء والشركات
– اوعوا تفتكروا هنرضى باللي كان موجود قبل كده، لو مكنش ده في بالنا وتخطيطنا.
– أكتر ناس تعرف المعاناة أنتم مش كمقاولين ومش بس نتيجة الإرهاب، لكن نتيجة إجراءات التأمين.
– الأسمدة كنا بندخلها بحساب عشان ممكن تستخدم في حاجة تانية.
– أنا سعيد بيكم وبشكر كل أهالي سيناء وكل الأسر اللي ضحت وخسرت أبناء.
– عزاؤنا أن كان التمن ده هو تمن تنقية والتخلص من آفة موجودة كان الهدف منها تفقد الدولة هذا الجزء العزيز من وطننا.
– الجيش والشرطة مكنوش قادرين يتحركوا، بدليل هل حد كان بيسيبكم تعملوا طريق أو مشروع، هنتحرك بخطة كبيرة أوي الفترة اللي جاية.
– مفيش عذر إن الشرطة تبقى مش موجودة أو منعملش تعليم، مطلوب كثافة أعلى في كل الملفات.
– التواصل مع الشيوخ والأهالي في سيناء والتعامل معهم بشكل مستمر ثقافة ومطلوب أنها تنفذ على أعلى مستوى.
– وجه بسرعة إزالة العبوات الناسفة والألغام في سيناء.
– مش عاوز نخسر حد تاني.. عاوزين تاخدوا شهر ولا شهرين عشان تتم إزالة العبوات الناسفة وتخلصوا المهمة بشكل كامل 100% عشان مفيش حاجة تحصل.
– الحرب ضد الإرهاب لم تنته بعد.
– لا يجب أن نوجه الشكر إلى أهالي سيناء بالكلام فقط بل بالاهتمام والعمل.
– لم نرض بما كان سائدا من قبل.
– تضحيات أهالي سيناء محل اعتبار.
