مدبولي للتجار: فيه حاجات كانت بتزيد بالـ60% في أسبوع.. أنا بنزل بنفسي وأشتري مش بستنى تقارير

وتوجه خلال مؤتمر صحفي، مساء الاثنين، بحديثه إلى التجار، قائلًا: «الأسعار لما كانت بتزيد في اليوم الواحد مرتين وثلاثة هي دي كانت مرتبطة بدورة؟ لا مكنتش مرتبطة بدورة».

وأضاف: «حضراتكم معلش أنا مش بستنى تقارير، أنا بنزل بشتري حاجات بنفسي، وببقى شايف الأسعار بتزيد من أسبوع لأسبوع أد إيه».

وأكمل: «في حاجات كانت بتزيد بالـ50% والـ60% في أسبوع، وأنا عارف أنا بقول إيه، طب هو الدولار زاد في السوق السوداء 50% و60%؟! لا بس هي عجلة دايرة وأنا أزود، ويقول لك البنك المركزي مش قادر يدبر، وبالتالي خلينا نسعر، اللي يقول 100 جنيه واللي يقول كذا ويقول كذا، كل ده في ظل عدم توفير العملة».