ونوه خلال مؤتمر صحفي، مساء الاثنين، أن بعض التقارير التي تتحدث عن انخفاضات الأسعار أحيانًا تكون «نظرية»، متوجهًا بالحديث إلى الدكتور علي المصيلحي، بشأن تلك المشكلة.
وأضاف: «عاوز تقرير يا دكتور علي يومي عن الانخفاضات اللي بتحصل، وأنا آسف أحيانا بيبقى نظري، كنت ديمًا أقعد أجادل معاكم، يجي لي الرقم وأنزل أنا ألاقي حاجة تانية خالص في المحلات وأقعد أكلمكم في التليفون أقول لكم أنا في الفرع الفلاني، يتقال لي آه ما أنت نازل في سوبر ماركت فلان بتاع الأغنياء».
وأكمل: «طب يا فندم حاضر هسيب سوبر ماركت بتاع الأغنياء وأروح الحاجات العادية، ألاقي نفس الأسعار، طب أعمل إيه؟ يتقال لي أنسى السلاسل، روح أصل الأسعار دي موجودة في الصعيد!».
وأشار إلى أن «ربع عدد سكان مصر يعيشون في القاهرة الكبرى»، مضيفًا: «ده انعكاس لباقي البلد، لما أنزل في أي حتة في القاهرة لازم ألاقي التخفيض ده يحصل».
ودعا التجار إلى تخفيض الأسعار بنسبة تتراوح ما بين 15% إلى 20% اعتبارًا من الغد، مختتمًا: «من بكرة ويتقال الأرقام أقل تخفيض إيه وبنسبة إيه، لو عليا أقول نسبة التخفيض متقلش عن 30%، لكن هنمشي فيها متدرج لحد ما نوصل للعيد».
