ناشد الفنان تامر حسني جمهوره المتابع لحساباته الرسمية بمواقع التواصل الاجتماعي، الدعاء لأهل فلسطين في ليلة القدر.
وكتب عبر حساباته على السوشيال ميديا: “صباح الهنا على أغلى الناس، النهاردة جمعة مباركة وليلة عظيمة، مين عارف جايز تكون ليلة القدر إن شاء الله”.
وتابع: “إيه رأيكم نكثف الدعاء وندعي لبعض كتير من أول اليوم لآخره، لفت نظري شرح جميل من الدكتور عمرو خالد عن سورة القدر، وتحديداً آية (ليلة القدر خير من ألف شهر)، يعني الليلة دي أفضل من تقريباً ٨٤ سنة، تخيل ربنا يغفرلك عمرك كله ولو عندك كل السنين دي”.
وأردف: “يلا يا جماعة مين عارف مش جايز بدعاك النهاردة ربنا يفرح قلبك العمر كله، ويحققلك اللي نفسك توصله، ويبدل حالك وحال اللي بتحبهم، ويسامحك على كل الذنوب اللي أنت متخيل إنه مش هيسامحك عليها”.
وأكمل: “ادعوا يا جماعة ربنا غفور ورحيم، وندعي جامد أوي أوي أوي لأهل فلسطين الله يسترهم وينصرهم ويعوض صبرهم ويحفظ كل شعوبنا العربية ومصرنا الحبيبة، ربنا يتقبل منا جميعاً إن شاء الله”.
يذكر أن الفنان تامر حسني تعرض لحملة هجوم شرسة عبر مواقع التواصل الاجتماعي بسبب لعبه بطولة الحملة الدعائية لأحد منتجات المقاطعة، وأصدر تامر بيانا يؤكد فيه أنه قام بتوقيع الحملة قبل الحرب على غزة، وتدشين حملة المقاطعة للمنتجات الداعمة للكيان الإسرائيلي، وأنه تعاقد مع شركة مصرية تعمل في مجال البطاطس المقرمشة التي تحمل اسم عالمي، وأن لها سجل تجاري مصري.
