تستضيف الإعلامية منى عبدالوهاب، الفنان محمود العسيلي، وذلك في حلقة جديدة من برنامج «ع المسرح»، المذاع عبر فضائية «الأولى»، في الخامسة من مساء غدًا الجمعة، الموافق ثالث أيام عيد الفطر المبارك.
وقال العسيلي، في كلمته على المسرح: «الإنسان من غير أمل ميقدرش يعيش، الأمل هو أساس الحياة، الأمل هو أساس السعادة، لو أنت فضلت واقف مكانك متتحركش، خايف من المستقبل، خايف من اللي هيحصل، خايف من غلطات الماضي معندكش أمل إنك تقدر تبقى أحسن، معندكش أمل إنك تنجح، معندكش أمل إنك تلاقي سعادتك، إيه معنى الحياة؟».
وأضاف: «الأمل هو أساس الحياة، هو اللي بيحركك، مش بيخليك واقف في مكانك، هو اللي بيخليك بتدور على الحاجة الحلوة، لما تلاقي الحاجة الحلوة هيكون عندك أمل إنك تحافظ عليها وتخليها أكبر وأحلى».
واختتم حديثه بالقول: «رأيي إن ديما يبقى عندنا أمل، أمل في ربنا أول حاجة وأمل في نفسنا إننا نقدر نشوف النور اللي ربنا بيديهولنا، الإنسان من غير أمل يبقى مش عايش».
