شن إبراهيم سعيد مدافع الأهلي ومنتخب مصر السابق، هجوما عنيفا على رضا عبدالعال نجم الزمالك والأهلي السابق، بسبب تصريحاته الأخيرة حول حسام حسن وانتقاداته له على خلفية وجود أزمة بينه وبين محمد صلاح قائد الفراعنة.
وقال إبراهيم سعيد في تصريحات له خلال الساعات الماضية: «كابتن رضا عبالعال بيقول إن كابتن حسام حسن داخل في تحدى مع محمد صلاح اللي نفسي أعرفه كابتن رضا عبدالعال بيجيب المعلومات دي منين هو كابتن حسام مش داخل مين الأفضل ومين الأحسن ومش عارف أيه، لإن أولًا كابتن حسام أسطورة وعمل تاريخ كبير جدا مع منتخب مصر ومحمد صلاح أفضل لاعب في العالم في الفترة الأخيرة فمفيش تحدي ولا حاجة».
وتابع إبراهيم سعيد: «هى دي سنة الحياة كابتن حسام دلوقتي مدرب منتخب مصر ومعاه لاعب عالمي فكابتن حسام عايز ينجح، فمين وصل لك يا كابتن رضا إن كابتن حسام داخل تحدي، هل كابتن حسام عايز يفشل وأنت عارف إن كابتن حسام بقاله 12 سنة بيحارب عشان يكون مدرب منتخب مصر، فكابتن حسام مش عايز يخسر ومحمد صلاح كمان زكي وفي النهاية اللاعب لاعب والمدير الفني مدير فني».
