– كان لازم أحب نفسي بشكل غير عادي عشان أعرف أحب كل حاجة
قال الفنان أحمد سعد، إن الله أكرمه بمجرد إخلاصه لحلمه وبذله أقصى ما عنده، مشيرًا إلى أن والدته من أهم أسباب نجاحه.
وأضاف خلال لقاء لبرنامج «SOLD OUT»، الذي يقدمه الإعلامي محمود سعد عبر فضائية «CBC»، مساء الخميس، أنه يعارض فكرة «الإنسان المظلوم»، معقبًا: «أنا كان لازم أحب نفسي بشكل غير عادي عشان أعرف أحب كل حاجة».
وعن سبب تعثره في إحدى الفترات، أجاب: «أنا مكنتش ببذل كل جهدي، والوحيد اللي يعرف قوتك هو نفسك، عشان كده أول ما بذلت أقصى ما عندي وأول ما أخلصت لحلمي ربنا كرمني.. والفترة الجاية هكسر العالم».
وتطرق بالحديث عن والدته، بالقول: «أمي دي أهم حاجة في عمري، هي ست كويسة وطيبة وعظيمة جدا، عندها 9 أولاد وكانت بتذاكر لنا كلنا، وعرفنا إنها مبتعرفش تقرأ إلا بعد 3 إعدادي».
وروى أن والدته كانت تخصص أيامًا في الأسبوع لضربهم، مستطردًا: «مكنش ينفع تضرب كل يوم لأن ده هيجهدها جدًا عضليًا، كانت بتضربنا حد وأربع، وأنا كان استثناء مزودة الجمعة لأني كنت أسوأ واحد فيهم»، بحسب تعبيره.
