في حساب منسوب للمطرب تامر عاشور، تم نشر تدوينة أثارت جدلا كبيرا عبر مواقع التواصل الاجتماعي.
وجاء في المنشور تعليق من جانبه على الأزمة الأخيرة التي تتعرض لها الفنانة شيرين عبد الوهاب، وتسريبات صوتية لطليقها الفنان حسام حبيب تخص أسرتها، وتحديدا شقيقها.
وجاء بالتدوينة ما يلي: “كل اللي أقدر أقوله في موضوع شيرين عبد الوهاب، إن مفيش كلمة واحدة بس من اللي اتقالت وانتشرت صح!”.
وتابع: “أنا قريب من أهل شيرين ووالدتها وأخوها، أنا برضه أحب أقولها إني بحبها وكل الدنيا بتحبها وتحب فنها، وأهل شيرين مظهروش في حياتها آخر سنتين تلاتة، أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الارض شيل”.
وأكمل: “يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها في كل مشاكلها، (أنت بمن حولك)، لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة”.
وقال: أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان قوي.. بالعقل”.
جدير بالذكر أنه انتشرت في الساعات الأخيرة تسريبات صوتية للفنان حساب حبيب يتحدث فيها عن معاناة شيرين مع أهلها، وتعديهم عليها وسلب أموالها، وبادر حبيب بالإعلان أنه بصدد مقاضاة كل من يتداول هذه التسجيلات، لأنها تسربت بدون إذنه.
ومن جهته هدد شقيق شيرين، محمد عبد الوهاب، بدوره باللجوء للقضاء وإتخاذ إجراءات قانونية تجاه من نشر تلك التسجيلات.
.. كل اللي اقدر اقوله في موضوع شيرين عبد الوهاب .. ان مفيش كلمه واحده بس من اللي اتقالت وانتشرت صح انا قريب من اهل شيرين ووالدتها واخوها .. انا برضه اقولها اني بحبها وكل الدنيا بتحبها وتحب فنها … اهل شيرين مظهروش ف حياتها اخر سنتين تلاته اهل شيرين هم اهل شيرين من زمان كل…
— Tamer Ashour (@TamerAshour) June 21, 2024
