كشفت الفنانة حورية فرغلي، عن سبب رفضها فكرة تبني الأطفال.
وقالت: “كان نفسي أبقى أم، وحصل قبل كده واتبنيت طفلين وماتوا، كانوا اتنين من ذوي الاحتياجات الخاصة، وحاولت أتبناهم وقالولي مينفعش أخدهم معايا البيت عشان لازم أكون متجوزة وممكن أتكفل بيهم، واتكفلت بيهم 6 سنين، وبعدين توفوا”.
وأضافت خلال لقائها في برنامج “نجمك مع يارا”، عبر قناة “هي”: “اللي عندهم عيلة وعندهم ولاد دايمًا بيفكروا إزاي يحافظوا عليهم ولما يكبروا ويجوزوهم، وأنا معنديش الحكاية دي ومعنديش العيلة دي، وأنا حاسة إني ربنا موفقنيش في الدنيا”.
وتابعت: “ربنا عوضني في موضوع مسرحية رابونزل، ومكنتش متخيلة إن أنا همثل مع أطفال ولا هيبقى جمهوري أطفال، والأطفال حافظين الكارتون وعارفينه، فمينفعش إن أنا أغلط ولا غلطة، وإحساس جميل أوي يكون عندك جمهور كلهم أطفال، ودي حاجة جديدة بالنسبالي”.
وأوضحت: “فيه بنت لقيتها بعد العرض جايالي لابسة نفس فستاني ونفس الباروكة، وكان لما حد يسألني سؤال كانت هي تجاوب”.
