في الحقيقة هذا الفيديو بيحمل وجدانيات وأحاسيس رائعة اللى عاشه و اللى يقدر يقرأه بتمعن حيلاقى فيه كم كبير من الحكايات مش مجرد لقطة فيدو لا الموضوع اكبر بكتير الفيديو بيترجم مواقف من ذكريات من اجمل الذكريات العزيزة على القلب ذكرى عودة مدينة العريش فى مايو ٧٩
مايو ٧٩كان ميعاد ولادة عمر جديد لكل الجيل اللى عاش سنوات المحنة
جيلى وجيل أصغر منى وجيل أكبر.
الشهر ده كان موعدنا لعودة خط العريش راس محمد طبقا لاتفاقية السلام المبرمة والتى أتت عقب انتصار مصر العسكري المجيد في أكتوبر 1973، الذي تحقق ببسالة قواتنا المسلحة وبدعم بطولي من أهلنا في سيناء، بدأت إسرائيل تسعى للدخول في مفاوضات معنا، بدءًا من محادثات الكيلو 101، مرورًا بجولات متعددة امتدت حتى عام 1978، وانتهت بما عُرف بـ”إعلان مبادئ كامب ديفيد”، الذي أعقبه توقيع اتفاقية السلام في 26 مارس 1979.
حيث نصّت الاتفاقية على انسحاب مرحلي من كامل أرض سيناء، يمتد من 1979 حتى 1982، وحدد يوم 25 أبريل
وتم تقسيم مراحل الانسحاب إلى عدة مراحل وتم التقسيم مرحلة أ ب ج
كان عودة محور العريش راس محمد فى مايو٧٩ مدينة العريش حاضرة شبه جزيرة سيناء وهى المنطقة الأكثر كثافة سكانيةوالكتلة السكانية التى مثلت قوة مقاومة و دفاع وردع أمام العدو قوة السكان وصمودهم ووعيهم العالى الوطنى وحفاظهم على الهوية الوطنية التى مثلت خط دفاع منيع أمام ومحاولات المحتل لاختراق الأرض والهوية واضعاف عزيمة السكان أصحاب الأرض الصامدين الذين حافظوا على الأرض والتراب الوطنى
شوفوا أبناء هذا الجيل اللى عاش الفرحة
جيل عاش فرحة عمرة فرحة لاتقدر بثمن شوفوا لمة الناس والفرحة على كل الوجوه
شوفوا صور العلم المصرى على كل العربيات فى أرض حرمت من أن ترى علمها الوطنى يرفرف فى سمائها
جيل اتحرم حتى أنه ينشد نشيدة الوطنى ويحى علم وطنه فى مدرستة شوفوا القيمة الوطنية فى نفوس جيل عاش السنوات الصعبة
شوفوا الولاد وهما بيحضنو ا علم مصر
تصوروا الجيل ده معظمة يااما كانوا اطفال ومنهم اتولدوا بعد ٦٧ يعنى اول مرة فى حياته يشوف عربيات الجيش المصرى اول مرة بشوف اعلام وطنه مرفرفه فى سماء بلده جيل رسم علم بلده فى قلبه وغنى نشيد وطنه فى قلبه
جيل عاش لحظة من لحظات العمر تساوى العمر كله
مهم جدا نحكى لاولادنا ونعيشهم اللحظات دى علشان يعرفوا أن قيمة التراب الوطنى وازاى الناس دى قدرت تحافظ وتواجهة أصعب السنوات
قيمة الا رض الوطن قيمة تساوى اعمارنا
فخورة انى اكون جزء من هذه الملحمة الوطنية العظيمة
خالص تحياتى
د/ سهام عزالدين جبريل
