تحية من قلبى معطرة لشعب مصر السكرة
اللى حط ف قلبُه سينا يخليها جنة مخضرة
تحية ومعاها احترام لجندى مصر الهمام
اللى عمره ف يوم ما فرط سٍوا فى الحرب أو فى السلام
تحية كمان للشهيد اللى خلاّ النكسة عيد
واللى انسقى التراب بدمه شقشق النور من جديد
تحية للإيد اللى ترفع طوبة تبنى وفى الحرب مدفع
للعيون السهرانين لاجل عيوننا يوم ما تدمع
تحية حب وردية للوشوش الصافية ديه
واللى عرق العافية فيها كما الأزهار مندية
تحية للإيد النقية بالأمانة والشرف محنيّة
للطيابا الشقيانين راس مرفوعة ضهور محنية
تحية لترابك يا سينا يا أغلى م الدنيا وعنينا
الإله بحمايته حفظك مش ها تبقى فى يوم حزينة
وتحية لأم الدنيا مصر زينة البلاد فى كل عصر
أصل الحضارة والتاريخ لايق عليكى يا غالية النصر
مع تحياتي وكل عام وانتم بخير
سوسن حجاب
